Наполи - Барселона и Интер - Атлетико Мадрид ќе бидат дерби натпреварите од осминафиналето на Лигата на шампионите

Во седиштето на Европската фудбалска асоцијација (УЕФА), попладнево со жрепка беа одредени двојките за осминафиналето во Лигата на шампионите.

Пред извлекувањето 16-те екипи беа поделени во две групи, носители и неносители, при тоа две екипи од иста земја и два учесника во иста група од групната фаза не можеа да се сретнат во осминафиналето.

Извлечени двојки за осминафиналето во елитното фудбалско натпреварување:

1. Порто - Арсенал

2. Наполи - Барселона

3. ПСЖ – Реал Сосиједад

4. Интер - Атлетико Мадрид

5. ПСВ - Борусија Дортмунд

6. Лацио – Баерн

7. Копенхаген - Манчестер Сити

8. Лајпциг - Реал Мадрид

Првите натпревари од 1/8 финалето ќе се одиграат на 13, 14, 20 и 21 февруари 2024 година, а реваншите на 5, 6, 12 и 13 март.