Португалскиот стратег Еспирито Санто се врати во Премиер лигата

Португалскиот тренер Нуно Еспирито Санто потпиша денеска две и полгодишен договор со премиерлигашот Нотингем Форест.

Поранешниот тренер на Тотенхем и Вулверхемптон доаѓа на местото на Стив Купер кому во вторникот му беше врачен отказ поради слаби резултати.

Нотингем Форест забележа само една победа на последните 13 натпревари се наоѓа на 17 место на табелата со 14 бодови, пет повеќе од зоната на испаѓање.

Нуно ќе дебитира на клупата на Форест в сабота на дуелот против Борнмут и се враќа во Премиер лигата по пауза од две и пол години кога ја напушти клупата на Тотенхем по само четири месеци