Халанд најдобар фудбалер во светот во 2023 во избор на Гардијан

Британскиот весник Гардијан објави денеска листа со 100 најдобри фудбалери во светот во 2023 година на чие чело се најде норвешкиот репрезентативец и напаѓач на европскиот и светски првак Манчестер сити, Ерлинг Халанд.

Зад него е англискиот репрезентативец Џад Белингем од Реал Мадрид и Французинот Килијан Мбапе од ПСЖ.

Во топ 5 изборот на Гардијан се и англискиот капитен Хари Кејн од Баерн Минхен и соиграчот на Халанд, Родри.

Добитникот на Златната топка, Лионел Меси е на 10 место, додека Кристијано Роналдо на 27 место.

Изборот на 100 најдобри светски фудбалери за годината која изминува Гардијан ја подготви врз основа на гласовите од жири-комисија во која биле вклучени 218 лица.