Општина Штип распиша конкурс за Најдобар спортист за 2023 година

- Распишан е конкурсот за пријавување на спортисти на годината за 2023 во Штип. Дејан Здравков советник во Советот на Општина Штип истакна дека сите спортисти, спортски работници, клубови може да се пријават доколку претходната година имаат остварен резултат, најдоцна до 5 јануари наредната година. Потоа комисија составена за оваа намена ќе одлучува согласно критеримуите кој ќе ја добие титулата најдобар спортист за 2023 година во Штип.

-Сакам да ве информирам дека Општина Штип распишува конкурс за избор на спортисти за 2023 година. Конкурсот ќе биде отворен до 05.01.2024 година. Пријавите за спортист на годината во четирите категории да се достават до Архивата на Општина Штип, а може да се симнат од официјалната страна на општината, вели Здравков.

За спортист на годината може да се пријават спортисти кои имаат постигнато значајни резултати претходната година. За рангирање на спортистот во предвид се зема најдобриот резултат во 2022 година. Резултатите мора да бидат заверени од соодветните федерации, и да бидат веродостојни и поткрепени со доказ.

По 20 јануари ќе се биде одреден и точниот датум на кој ќе се прогласи Најдобриот спортист за 2023 година во Штип.