Во кумановската гимназија одбележани 152 годишнината од раѓањето на Гоце Делчев

Повеќе делегации предводени од училишната денеска положија цвеќе пред бистата на патронот Гоце Делчев во кумановската гимназија. Ученици, граѓани ја одбележаа 152-та годишнина од раѓањето на великанот на револуционерната борба Гоце Делчев. Пред бистата цвеќе положија претставници на училиштето, Општината, Советот, политички партии, невладини организации, граѓани.

Директорката на гимназијата Марија Тодоровска, посочи дека училиштето достојно го носи името на револуционерот Гоце Делчев.

- Голема благодарност до учениците кои подготвија соодветна програма за чествување на патронот. И во училишните клупи, учениците и вработените се трудиме да се водиме по космополитската мисла на Делчев, да се натпреваруваме во знаење и меѓусебно почитување, рече Тодоровска.

Пред присутните во дворот на гимназијата, учениците прочитаа творби во чест на визионерот.