Претседателот на Филипините воведува контрамерки против Кина за нападот

Филипини ќе спроведат пропорционални и разумни контрамерки против нелегалните, принудни, агресивни и опасни напади на кинеската крајбрежна стража и поморската милиција во Јужното Кинеско Море, рече филипинскиот претседател Фердинанд Маркос Помладиот.

-Не бараме конфликт со ниту една нација, особено со земји кои ни се претставуваат и тврдат дека се наши пријатели, но никој нема да не принуди да молчиме или да се потчинуваме, напиша Маркос на Фејсбук.

Тој не прецизираше што ќе вклучуваат тие контрамерки.

Во последниве години, Филипините го критикуваа повтореното, како што велат, агресивното однесување на кинеската крајбрежна стража и рибарски бродови во спорната област во ексклузивната економска зона на Филипините.

Последниот инцидент се случи минатата недела, кога Кина употреби водени топови за да ја попречи друга филипинска мисија за снабдување на војниците во Втроиот томасов гребен.

Кина, која го поседува речиси целото Јужно Кинеско Море, ги обвини Филипините за навлегување на нивната територија и рече дека ги презела неопходните мерки против бродовите.

Кина во понеделникот ги предупреди Филипините да чекорат внимателно и да бараат дијалог, велејќи дека нивните односи се на „пресвртница“ бидејќи судирите меѓу нивната крајбрежна стража поради поморските тврдења ги влошиле тензиите.

Маркос рече дека се сретнал со неговите претставници од одбраната и безбедноста и дека е во комуникација со „пријателите од меѓународната заедница“.

Американскиот секретар за одбрана Лојд Остин вчера ја потврди посветеноста на Вашингтон на спогодбата за заемна одбрана со Филипините од 1951 година и ги критикуваше „опасните“ акции на Кина во Вториот томасов гребен. Во вчерашниот телефонски разговор со неговиот филипински колега, Гилберт Теодоро, Остин ја потврди цврстата посветеност на САД кон Филипините, за кои велат дека преземаат легитимна мисија да ги снабдуваат своите сили.

Договорот меѓу Филипините и САД ги обврзува двете земји да си помагаат меѓусебно да се одбранат доколку бидат нападнати и ги опфаќа крајбрежната стража, цивилните и воените бродови во Јужното Кинеско Море.