Завршува меѓународниот фестивал „Кларифест Скопје 2024“

Во Музејот на македонската борба вечер ќе биде затворен шестиот Меѓународен фестивал за кларинети „Кларифест Скопје 2024“, со концерт на музичари од Соединетите Американски Држави и од Полска.

-Публиката ќе има уникатна можност да ужива во изведбата на класични дела, како и фламенго музика во изведба на Барбара Борович - кларинет (Полска), Дуото ЖАКА од САД, во состав Весли Фереира – кларинет и Џексон Вилиамс - гитара, и нашата пијанистка Елена Атанасовска-Ивановска, соопшти Здружението за култура и уметност „Артистико“-Скопје, организатор на фестивалот.

Почетокот на концертот е во 20 часот, влезот за посетителите е бесплатен.