Аваја: Денешниот ден е повик за акцијa
Денешниот ден го славиме не само како Меѓународен ден на Ромите, туку и како Ден на независноста на Ромите – ден во чест на силата, издржливоста и богатото наследство на Ромите. Денешниот ден пројавува чувства и однесувања кои жарат пламен на гордост, надеж и решителност во себе. Да бидеме исправени, горди на тоа кои сме и на сето она што сме го надминале. Аваја стои рамо до рамо со ромската заедница, залагајќи се за вредностите на чесност, интегритет, знаење и колективен напредок!
Денешниот ден е повеќе од само прослава - тоа е повик за акција! Тоа е повик да станеме, обединети во нашата борба по правда, днаквост и можности за сите. Тоа е повик да се ослободиме од синџирите на стравот, манипулациите и лагите и да трасираме нов пат напред - пат на надеж, достоинство и колективен напредок. Ајде да го искористиме овој момент заедно за да го промениме политичкиот наратив и да создадеме свет каде што се слави секој Ром, се слуша секој ромски глас и се остваруваат нашите колективни соништа.
Денес, исто така, го почитуваме и наследството на издржливост и решителност што го оставија нашите предци. Нивната храброст пред неволјите го отвори патот до слободите што ги уживаме денес. Но, додека го славиме нашето минато, гледаме и кон иднината. Ние разбираме дека наша одговорност е да оставим енаследство на напредок и зајакнување на генерациите што доаѓаат. Нашите предци се бореа за нашите права и достоинство, а сега е наш ред да го носиме тој факел напред. Мора да го продолжиме нивното наследство со залагање за правда, еднаквост и можност за сите. Да бидеме генерација која ги урива бариерите и гради мостови на разбирање и единство! Ајде да бидеме тие што ќе се погрижат секој Ром да има можност да напредува и да успее. Заедно, да изградиме иднина во која нашите деца и внуци ќе можат со гордост да гледаат наназад на наследството што им го оставивме - наследство на надеж, издржливост и неограничени можности. Денес, да се посветиме на изградбата на свет каде секој сон е на дофат и секое срце е исполнето со нетрпеливост за преземање на акција за промени. Заедно, да направиме историја!
Bahtalo 8toto April Romalen! OPREROMA!
