Повреден пожарникар при гаснење, откако Скопјанец запалил оган во двор кој се проширил на неговата куќа

На 06.04.2024 во 23.56 часот во Полициската станица Ѓорче Петров било пријавено дека во с.Волково настанал пожар во куќа, сопственост на Б.С.(69).

Според пријавеното, тој во дворот запалил оган кој се проширил и ја зафатил куќата, како и дел од напуштен објект на Железници на Македонија.

При гасењето на пожарот, еден пожарникар од Бригадата за противпожарна заштита Скопје вдишал чад и бил пренесен во Комплекс клиники „Мајка Тереза“ за укажување лекарска помош.