Лидерите на Г7 разгледуваат нови санкции против Иран по нападот врз Израел

Лидерите на Групата седум размислуваат за нови санкции за ракетната програма на Иран, соопшти Белата куќа, по виртуелниот состанок со цел консултации за дипломатски одговор на нападот врз Израел.

- Голем дел од светот денес стои со Израел, изјави портпаролот за национална безбедност на Белата куќа Џон Кирби.

Во Г7 се САД, Јапонија, Германија, Велика Британија, Франција, Канада и Италија. Во консултациите на групата учествува и Европската унија.