АВАЈА ја почна кампањата за парламентарни избори во Струмица

Со отворање на партиски штаб во Струмица и промоција на носителот на кандидатската листа во изборната единица 4, Кемал Сулејманов политичката партија Аваја го означи почетокот на кампањата „Доста е“.

„Во оваа кампања ќе работиме еден за сите и сите за еден, за да ја донесеме победата за нашиот иден пратеник, Кемал Сулејманов. Доста работевме за другите и доста е другите да кажуваат кој ќе ги преставува нашите интереси. Време е да го вратиме дигнитетот и достоинството на нашиот народ. Ја бараме вашата доверба за ромскиот народ да го направиме рамноправен со другите. Нашата политичка битка е почната и нема да заврши се додека не ја донесеме победата токму тука во Струмица“, порача Елвис Мемети, генерален секретар на политичката партија Аваја во своето обраќање.

Тој, пред насобраната толпа, потенцираше дека во срцата на нашиот народ има фрустрација, разочарување и глад за промени. „Партиите на кои некогаш им верувавме нè пропуштија и замижуваа пред нашите потреби, оставајќи нè сами да се грижиме додека тие ги следеа своите лични интереси. Поради тоа страдаме како никогаш досега, оставени сами на себе. Време е да го кренеме гласот и да ја дадеме нашата доверба на лице од заедницата“, рече Мемети.

Носителот на кандидатската листа за пратеник од Изборната единица 4, Кемал Сулејманов, рече дека „патот на кој што почнавме да чекориме е тежок, но како и секогаш пред да одлучам да тргнам, комуницирав со моите комшии, со моите надобри пријатели, со мојата фамилија и со сите со кој се поздравив. Кога излегов во моето маало и улицата каде што пораснав сите едногласно ме мотивираа дека времето е сега. Сега е за тоа што ДОСТАЕ! Од политичари кои само гледат за себе. Време е да се сплотиме и заедно да ја напишеме поновата историја,. ВРЕМЕ Е! Да размислиме дали ќе гласаме за наши луѓе или за непознати лица, кои ќе не заборават по избори. Да гласаме за АВАЈА и да го заокружиме бројот 10 на изборите на 8 мај“, рече Сулејманов.

Политичката партија Аваја, на овие избори настапува самостојно во 4 изборни единици со свои кандидатски листи.

Политичка партија Аваја