Сиљановска-Давкова - Благодарност до МТВ за организацијата и на противкандидатите за учеството во претседателската дебата
Преку социјалната мрежа Х (поранешен Твитер), кандидатката за претседателка на Македонија, професор д-р Гордана Сиљановска-Давкова јавно се заблагодари на Македонската телевизија за организацијата и на сите противкандидати за учеството во претседателската дебата.
Објавата за пренесуваме во целина:
„Голема благодарност до Македонската телевизија за организацијата на единствената дебата пред првиот круг на претседателските избори. Граѓаните на Македонија конечно добија шанса да ги споредат нашите програми и проекти низ еден непосреден, отворен и демократски дијалог.
Исто така, им се заблагодарувам и на сите мои противкандидати Стево Пендаровски, Бујар Османи, Билјана Ванковска, Максим Димитриевски, Стевчо Јакимовски и Арбен Таравари за учеството во вечерашната дебата.
Ги повикувам граѓаните масовно да излезат на изборните места на 24 април и да го дадат својот глас за кандидатката или кандидатот кој што најдобро ги отсликува нивните вредности, идеи и принципи.“
