Сиљановска-Давкова од Дебар: Победата е за сите граѓани, знаеме дека ќе гласате за тие што носат промена

Денеска, 27 април 2024 година (сабота), во рамките на својата кампања за претседателка за Република Македонија, професор д-р Гордана Сиљановска-Давкова, оствари средба со граѓаните на Дебар каде што имаше свое обраќање.

Во продолжение Ви ги пренесуваме клучните поенти од нејзиното обраќање пред граѓаните на Дебар.

Ја заслужувате мојата благодарност за поддршката во првиот круг, без вашите гласови сигурно дека немаше да биде ваков резултатот каков што е многу инспиративен, не само за мене, не само за ВМРО ДПМНЕ туку за сите граѓани! Ние не агитираме, не ви велиме дека мора да гласате за нас, ама знаеме за кого ќе гласате. Ќе гласате за подобрите, ќе гласате за оние кои носат промени а не за оние кои велат дека грешеле ама сега ќе се обидат тоа што го згрешиле да го поправат, а тоа е невозможно.

Не е точно дека стартуваме од нула, ние не шутираме пенали, а тие ги промашија на празен гол.

Продолжувам онаму каде што застанавме таму каде што вие ни рековте дека треба да застанеме зашто гласовите се ваши, гласовите се на граѓаните и ние тоа нема да го заборавиме. Ако реков дека во првиот круг очекувам политички земјотрес, тој се случи, дури и со поголема разорна сила, која го допре СДСМ. Ама на 8 мај очекувам политички вулкан, бидејќи некои процеси можат да се насетат и не можат да се избегнат. Неминовен е поразот на СДСМ, на ДУИ, на коалицијата и неминовна е победата на ВМРО ДПМНЕ и коалицијата. Неминовен е поразот на господинот Пендаровски и се насетува мојата победа. Тоа е јасно. Ова власт мора да си оди!