Откако Апасиев го одби повикот на Мицкоски за национално единство, сега нуди да се потпише „Македонска платформа“

Во соопштение до медиумите, партијата Левица испрати понуда од македонските партии за потпишување на платформа, во пресрет, како што велат „уценувања“ при формирање на влада. Оваа нивна јавна понуда до партиите доаѓа откако Апасиев го одби повикот на Мицкоски за македонско национално обединување.

- Ја објавуваме јавната понуда на Левица за потпишување Македонска платформа во ПЕТ ТОЧКИ од страна на сите промакедонски политички партии, со цел утврдување национален консензус заради превенција од постојните уцени при составување Влада, кои доаѓаат од партиите на албанското малцинство (потписници на т.н. Тиранска платформа) – а со единствена цел да се запре понатамошното разградување на Република Македонија и нејзино претворање во полупротекторат:

1. УНИТАРНОСТ - надминување на федералниот, консоцијациски бинационален модел на држава и напуштање на заостанатиот апартхејд-модел за гетоизација на етничките заедници и националните малцинства;

2. ТЕРИТОРИЈАЛЕН ИНТЕГРИТЕТ И СУВЕРЕНИТЕТ - oрганизирање на Република Македонија во една изборна единица и забрана на монолитни и чисто етнички партии;

3. ИДЕНТИТЕТ - распуштање на т.н. Историски комисии за ревидирање на македонската антифашистичка историја и одлучно „не“ за внесувањето на Бугарите во Уставот;

4. СЕКУЛАРНОСТ - строго одделување на верските заедници и религиозни групи од државата и јавните институции и нивно одданочување;

5. ДРЖАВНИ ИНСТИГНИИ - строга контрола и надзор над правилната употреба на државните симболи (грбот, знамето и химната) од страна на државните органи, општините и приватните субјекти при сите прослави и манифестации, стои во понудата на Левица.

Претходно, на повикот на Мицкоски, Апасиев одговори со фејсбук статус во кој напиша:

„Не верувај им на ДПМНЕјците, дури и кога ти носат подароци. Термометарот на жестокоста во критиката не смее да се спушти ниту за степен“, искоментира Апасиев на Фејсбук.