„Си-би-ес њуз“: Обвинителството на САД ќе покрене тужба против демократски конгресмен од Тексас

Федералното обвинителство на САД се очекува да покрене тужба против член на Претставничкиот дом Хенри Куејар, демократ од Тексас, американски службени лица потврдиле за „Си-би-ес њуз“.

Сè уште не се познати деталите од тужбата и карактерот на обвинението. Куејар во изјава денеска истакна дека обвинети се тој и неговата сопруга, не дека тие се невини во однос на овие претензии. Конгресменот рече и дека ќе оди на реизбор на изборите в ноември и дека барал совет од Комитетот за етика на Претставничкиот дом.

- Сакам да е јасно дека ниту јас ниту мојата сопруга сме виновни по ова обвинение. Сè што сум правел во Конгресот е да му служам на народот од јужен Тексас, истакна тој.

Се дознава дека Федералното биро за истраги во јануари 2022 година извршило „судски авторизиран“ претрес во неговиот дом во Ларедо. Негов адвокат тогаш изјавил дека конгресменот не е цел на федерална истрага.

Извор запознат со проверката укажал дека активностите во домот на Куејар се поврзани со истрага во однос на Азербејцан и неколку бизнисмени од САД.

Куејар беше во вестите лани во октомври кога изјави дека од тројца вооружени напаѓачи му ја украле колата додека паркирал во близина на неговиот дом во Вашингтон.