Засилени мерки во Сребреница, во градот пристигна и премиерот на ФБиХ Нермин Никшиќ

На подрачјето на Сребреница денеска голем број членови на Дирекцијата за координација на полициските тела на БиХ (ДКПТ) се распоредени пред Меморијалниот центар во Сребреница, што беше затворен за посетители во 14 часот.

Голем број припадници на Министерството за внатрешни работи на Република Српска беа распоредени во Сребреница, каде денеска се одржа седницата на Владата на РС, на која присуствуваа претседателот на РС Милорад Додик и српски министри во Советот на министри на БиХ.

Во Сребреница денеска пристигнаа и премиерот на Федерацијата БиХ, Нермин Никшиќ, вицепремиерот на ФБиХ, Војин Мијатовиќ и министерот за раселени лица во Владата на ФБиХ, Нерин Диздар, кои, како што е најавено, ќе се сретнат со директорот на Меморијалниот центар во Сребреница, Емир Суљагиќ