Бегај – Пирц Мусар: Западен Балкан останува ранлив од оние кои се инспирирани од минатото, неговото место е во ЕУ

Западен Балкан останува ранлив од актери кои се инспирирани од минатото да проектираат иднина далеку од Европа и демократските вредности. Неговото место е во ЕУ, е заедничкиот став на Албанија и Словенија, што на заедничката прес-конференција по средбата, со словенечка колешка Наташа Пирц Мусар, го изнесе албанскиот претседател Бајрам Бегај.

Тој уште со став дека Албанците се стабилизирачки и фактор кој придонесува за мирот во регионот.

- Албанците се стабилизирачки и придонесувачки фактор во регионот и со евроатлантска ориентација. Северна Македонија и Црна Гора се во НАТО. Косово оди кон интегративни процеси. Високо ја ценам поддршката на Словенија за евроинтеграцијата на Албанија и Западен Балкан, како и придонесот на Словенија за учеството на војниците во КФОР на Косово. Албанија е силен глас на евроатлантските интеграции на регионот. Заинтересирани сме за регион во мир, интегриран во регионот и во ЕУ, изјавил Бегај, објавија медиумите.

Претседателката на Словенија, Пирц Мусар, оценила дека Албанија постигнала успех во борбата против корупцијата, додавајќи дека „не е невозможно Албанија да влезе во Европската унија во 2030 година“, потврдувајќи ја поддршката на Словенија за Албанија во интегративните процеси.

- Во фокусот на првите две години решив да биде Западен Балкан. Словенија смета дека местото на Западен Балкан е во Европската Унија. Бев многу задоволна од зборовите на Шарл Мишел во Блед минатата година, дека Европската унија ќе мора да ги прифати државите до 2030 година. За Албанија тоа не е невозможно. Задоволна сум од борбата против корупцијата, СПАК има голема доверба. Ниту една земја не е имуна на корупција и криминал, па дури ни мојата земја, изјавила Пирц Мусар.

Нагласила дека билатералните односи меѓу Албанија и Словенија се одлични, дека нема отворени прашања и оти со колегата Бегај се убедени дека можат уште повеќе.

Шефот на албанската држава ја истакнал економската соработка меѓу Словенија и Албанија, додавајќи дека директна авиолинија Тирана-Љубљана, ќе ги зголеми контактите и растот на туристите, а истовремено ги покани словенечките претприемачи да инвестираат во земјата.

Пирц Мусар изразила задоволство што сè поголем број словенечки граѓани ја посетуваат Албанија, наведувајќи дека минатата година тука престојувале над 20 илјади словенечки туристи. Според неа трговската размена во 2022 година достигнала 92 милиони евра, додека минатата 104 милиони и тука има голем простор за нивен понатамошен раст.

Во текот на денов претседателката на Словенија и делегацијата што ја придружува да посетат некои атрактивни туристички места во земјата.