Рама: Во Италија живеат 700 илјади албански граѓани со редовни дозволи за престој, над 250 илјади со италијански пасош

Албанскиот премиер Еди Рама на социјалните мрежи објави моменти од средбата во Милано со албанската дијаспора во Италија, повторувајќи го кажаниот став на средбата, дека „Албанците во Италија се главните и најзаслужните обединувачи на двата брега на Јадранот“.

-Видео разгледница од црвено-црниот бран на италијанските Албанци, симбол на новото време што дојде за Албанија и за Албанците, наведува Рама покрај објавеното видео.

Рама објави дека во Италија има околу 700 илјади албански граѓани со редовни дозволи за престој, дека над 250 илјади се со италијански пасоши и право на глас и оти најголемиот процент се концентрирани на развиениот италијански север.

Според него албанските студенти се 10 отсто од вкупниот број странски студенти од земји надвор од ЕУ и оти „меѓу сите странски студентски заедници во Италија, албанската е рангирана со најдобри резултати“.

Исто така, премиерот истакнува дека во Италија над 40 илјади компании се сопственост на албански граѓани а 421 илјада Албанци ќе имаат корист од договор со Италија за взаемно признавање на пензиите