Напојувањето со електрична енергија во делови од БИХ постепено почна да функционира

По хаосот и прекинот во електроенергетскиот систем, напојувањето со електричната енергија е во функција во многу градови низ Босна и Херцеговина. Струја добија Бања Лука, Тузла, Сараево, Котор Варош...

Лука Петровиќ, вршител на должноста генерален директор на Електроиндустрија Република Српска, рече дека многу брзо се очекува стабилизација на системот.

Повикувајќи се на неофицијални информации од хрватскиот преносен систем оператор, агенцијата Хина јави дека дефектот на електроенергетската мрежа се случил во три земји, прво почнал во Црна Гора, потоа прекинот на струја ја зафатил Босна и Херцеговина, а потоа дел од Хрватска - цела Далмација, до Риека, наводно до трафостаницата Бриње.

Наводно, никогаш немало дефект на електроенергетскиот систем преку три држави. Причината се уште не е позната, но се шпекулира дека потрошувачката се зголемила поради високите температури, па системот бил во колапс