Управата за јавни приходи се обраќа кон сите физички лица кои вршат определена дејност од времен карактер (продавачи на крофни, пуканки, пченка, цедени сокови, изнајмувачи на педалинки, кајчиња, велосипеди, лежалки, сликање со влекачи и друго) на пазарите и на отворени простори и локации одредени од локална самоуправа, од приредувачи на манифестации или на други отворени простори:
ДОЛЖНИ СТЕ ДА ПОДНЕСЕТЕ БАРАЊЕ ЗА ПАУШАЛНО ПЛАЌАЊЕ НА ДАНОКОТ НА ЛИЧЕН ДОХОД НАЈДОЦНА ПРЕД ОТПОЧНУВАЊЕ НА ВРШЕЊЕ НА ДЕЈНОСТ, ДО ОРГАНИЗАЦИОНИТЕ ЕДИНИЦИ НА УЈП
Пример: Даночниот обврзник - физичко лице кое отпочнува да врши дејност од времен карактер на 15.07.2024 година и дејноста ќе ја врши до 31.08.2024 година, барањето за овој период го поднесува најдоцна до 14.07.2024 година.
Барањето за паушално плаќање на данокот на личен доход можете да го превземете од Веб страната на УЈП на следниов линк http://www.ujp.gov.mk/mk/obrasci/opis/200 или во просториите на Управата за јавни приходи ширум државата.
Контактирајте ја Управата за јавни приходи преку Инфо центарот 0800 33 000 или во Регионалните дирекции/Даночните одделенија на Управата за јавни приходи, за сите Ваши прашања.