Артета: Мора да го кренеме нивото ако сакаме да ја освоиме титулата во Премиер лигата

Арсенал мора да го крене нивото оваа сезона ако сака да ја освои Премиер лигата по двете мачни промашувања на големата цел, изјави менаџерот Микел Артета пред почетокот на нивната кампања во Премиер лигата против Вулверхемптон во сабота.

Тимот на Артета минатата сезона заврши со 89 бодови и постигна повеќе голови и прими помалку од претходната сезона, но повторно заврши на второто место зад Манчестер Сити.

-Нема да биде доволно да го покажеме нивото од минатата сезона. Со нивото на кое се натпреваруваме и секоја сезона станува потешка, ќе мораме повторно да се подобруваме, тоа е сигурно, им рече Шпанецот на новинарите на прашањето што треба да направи Арсенал оваа сезона за да ја освои титулата.

Арсенал беше во трка за првото место до последниот ден од минатата сезона и Артета силно се надева дека овојпат ќе ја прекине доминацијата на Сити и ќе го спречи тимот на Пеп Гвардиола да ја освои петтата последователна титула.

Новото дефанзивно засилување Рикардо Калафиори ќе биде во линија за своето деби против Вулвс, додека холандскиот бек Јуриен Тимбер е исто така достапен за клубот од северен Лондон, откако пропушти речиси една година поради повреда на коленото.

Сепак, Арсенал ќе остане без дефанзивците Такехиро Томијасу и Киеран Тиерни