Барселона сака да го ангажира Леао

Барселона е заинтересирана за потписот на крилниот напаѓач на Милан, Рафаел Леао, објави „Мундо Депортиво“.

Според шпанскиот спортски портал, Каталонците се префрлиле на кандидатурата на 25-годишниот Португалец по неуспехот на трансферот на Нико Вилијамс од Атлетик.

Клубот очекува дека зделката ќе биде олеснета со добриот однос со агентот на Леао, Жорге Мендеш.

Леао игра за Милан од 2019 година. За тимот одигра 211 натпревари, постигна 58 гола и направи 50 асистенции.

Порталот „Трансфермаркт“ ја проценува пазарната вредност на фудбалерот на 90 милиони евра