Рајо Ваљекано потпиша со Родригез

Шпанскиот тим Рајо Ваљекано го објави потписот на Колумбиецот Хамес Родригез. 33-годишниот офанзивец пристигнува на слободен трансфер откако се раздели со бразилскиот Сао Паоло.

Родригез се истакна за време на Светското првенство во 2014 година кога ја предводеше Колумбија до четвртфиналето. Добриот настап на Мундијалот му донесе трансфер во Реал Мадрид. За „белите“ забележа 125 настапи и постигна 37 гола, освојувајќи ја Ла Лига двапати, шпанскиот Суперкуп еднаш, Лигата на шампионите двапати, Суперкупот на Европа и Светското клупско првенство.

Во 2017 година, Родригез беше испратен на позајмица во Баерн Минхен и неговата кариера тргна во надолна линија. За Баварците постигна 15 гола на 67 натпревари, но не можеше да се избори за стартно место и не беше купен трајно.

Хамес подоцна премина низ Евертон, Катарски Ал Рајан, грчки Олимпијакос и Сао Паоло, но му беше дадена мала минутажа и го мачеа повредите.

Офанзивниот играч за врска беше дел од селекцијата на Колумбија на Копа Америка во 2024 година, која играше во финалето против Аргентина и загуби со 0-1.