Буфон ќе ја добие Претседателската награда на УЕФА

Поранешниот голман на Италија, Џанлуиџи Буфон, на настанот на 29 август ќе ја добие Претседателската награда на УЕФА за неговите извонредни достигнувања, умешност и примерни лични квалитети.

Наградата се доделува од 1998 година.

- Фактот што тој избра да го следи својот клуб во Серија Б на врвот на кариерата, и покрај тоа што му пристапија врвни клубови од целиот свет, зборува многу, изјави претседателот на Европската фудбалска асоцијација (УЕФА), Александар Чеферин.

На 25 јули, 46-годишниот Буфон стана спортски директор на италијанската репрезентација и ќе ги надгледува и сениорската и младинската селекција на земјата.