Манчестер Јунајтед ја привлече својата трансфер цел број еден ова лето
Манчестер Јунајтед го објави потписот на Мануел Угарте еден час пред затворањето на преодниот рок. „Црвените ѓаволи“ пред неколку дена постигнаа договор со Пари Сен Жермен за правата на Уругваецот, а тој вчера пристигна на Островот и ги помина лекарските прегледи.
„Олд Трафорд“ на крајот ќе плати 50 милиони евра фиксни плус уште десет бонуси. Угарте ќе стане шестото и последно ново засилување на Манчестер Јунајтед откако пред него во тимот беа донесени Лени Јоро, Нусаир Мазрауи, Џошуа Зиркзе, Матаис де Лихт и Секу Конате.
Самиот Мануел Угарте потпиша договор до летото 2029 година со опција за дополнителна сезона. Тој не е пријавен и нема да може да учествува на дербито со Ливерпул во недела.
-Неверојатно е чувството да се приклучиш на клуб од ова ниво. Еден од најомилените тимови во светот. Проектот што ми го понудија луѓето на чело на клубот беше исклучително возбудлив. Манчестер Јунајтед е амбициозен клуб и јас сум амбициозен играч. Страста на навивачите е нешто што е многу важно за мене. Знам колку се неверојатни навивачите на Јунајтед и едвај чекам да излезам на „Олд Трафорд“. Јас сум личност која е решена да успее. Ќе се жртвувам и ќе дадам се за моите соиграчи. Заедно ќе се бориме и ќе освојуваме трофеи за да го подигнеме клубот на нивото на кое треба да биде, изјави Угарте за официјалната веб-страница на клубот.
