Први безбедносни разговори меѓу Анкара и Стокхолм по приемот на Шведска во НАТО

Турција и Шведска утре ќе одржат прв состанок на кој ќе се дискутира за безбедносниот пакт договорен за да ја прифати кандидатурата на Стокхолм за членство во НАТО, изјави денеска турски дипломатски извор, пренесува Хина.

Состанокот ќе се одржи за време на посетата на шведската министерка за надворешни работи, Марија Малмер Станергорд во Анкара и има „посебно значење“ за подобрување на соработката во борбата против тероризмот, наведува изворот.

Турција ја одобри кандидатурата на Шведска за членство во воениот сојуз во јануари по повеќе од година дена одложување на ова прашање, бидејќи Турција беше загрижена за ставот на Шведска кон групи и поединци кои Анкара ги смета за терористи и за ембаргото на оружје кое Стокхолм подоцна го укина.

Анкара бараше Шведска да ги измени антикорупциските закони и да се справи со членовите на Курдиската работничка партија (ПКК), која и САД и Европската Унија ја сметаат за терористичка организација.

Формирањето на „безбедносниот договор“ беше договорено од генералниот секретар на НАТО, Јенс Столтенберг, како и турските и шведските лидери на самитот на сојузот 2023 година. Страните се согласиле дека Стокхолм ќе предложи „план“ за борба против тероризмот.

Шведска се приклучи на НАТО во март.

Околу соработката во областа на безбедноста, особено во борбата против тероризмот, ќе се разговара во рамките на планот“, изјави изворот, додавајќи дека целта на разговорите е да се отворат дополнителни чекори против ПКК и неговите сириски огранци, помеѓу другото, пренесува Хина.