Иранската полиција заплени 220.000 литри шверцувано гориво

Иранската полиција заплени 220.000 литри шверцувано гориво од неколку магацини во Машхад во североисточниот дел на Иран и уапси четворица осомничени, изјави денеска високиот полициски функционер Хосеин Џаванбахт.

Џаванбахт, кој е началник на полицискиот оддел во провинцијата Разави Хорасан, рече дека по темелна истрага, полицајците откриле неколку магацини на различни локации во градот Машхад, во координација со судските власти, по што извршиле рација и го заплениле шверцуваното гориво, објави иранска новинска агенција.

Според Џаванбахт, четворицата осомничени се предадени на судските органи за натамошна истрага.