Анкета: Мнозинството Украинци се против Русија, само три отсто имаат позитивен став

Од почетокот на конфликтот во Украина во 2022 година, односот на Украинците кон Русија нагло се влоши и заклучно со октомври 93 отсто од нив имаат лош став кон Русија, додека само три отсто имаат позитивен став, се наведува во најновото истражување на киевскиот Меѓународен институт за социологија (КМИС), спроведено во септември и октомври.

„По инвазијата, апсолутното мнозинство Украинци имаат стабилен, лош однос кон Русија“, се наведува во извештајот и се оценува дека „негативниот однос кон Русија почнал да се засилува по нападот на Украина, а претходно не бил создаден“, се наведува во истражувањето.

„Руските власти и пропагандата тврдат дека нивните агресивни акции се одговор на порастот на антируските чувства. Сепак, нашите податоци покажуваат дека Украинците задржале позитивен став кон Русија, а само Русија со своите сурови постапки ги принуди да ја преиспитаат својата позиција“, оценуваат социолозите.