Сибиха: Иднината на светот се решава во Украина

Шефот на украинската дипломатија, Андриј Сибиха, во разговор со американскиот државен секретар Ентони Блинкен денеска во Брисел изјави дека во Украина се решава иднината на трансатлантската и глобалната безбедност.

-Мораме да ја запреме руската агресија со сила на оружје, санкции и дипломатија. Овој момент е критичен. Оваа војна не е само за Украина. Иднината на трансатлантската и глобалната безбедност се решава во Украина, а Русија користи ирански беспилотни летала. како што рековте, и севернокорејски трупи за да ја нападнат Украина. За возврат, таа обезбедува помош за тие режими, рече Сибиха.

Украинскиот министер истакна дека оваа војна ја поткопува безбедноста во Југоисточна Азија и на Блискиот Исток.

-Сето ова е поврзано. Ако сакате да обезбедите долгорочен мир и стабилност во Европа, Азија и на Блискиот Исток, треба да ја натераме Русија да ја прекине својата агресија. За ова ни треба повеќе единство и цврсти одлуки, рече тој.

Сибиха ја искористи можноста да му се заблагодари на Блинкен што беше со Украина „на секој чекор“ за време на 994-те дена руска агресија, пренесе Стејт департментот.

Тој, исто така, рече дека Украина работи со новоизбраниот американски претседател Доналд Трамп и неговиот тим, како и со администрацијата во заминување, и дека земјата „многу ја цени помошта на САД“.