Еколошката штета од руската инвазија е 71 милијарда долари, соопшти Украина

Руската инвазија врз Украина предизвика еколошка штета од 71 милијарда долари и доведе до пораст на емисиите на стакленички гасови, објави украинската влада на самитот КОП29 во Баку.

-Природата за време на оваа војна е како тивка жртва, рече Свитлана Гринчук, министерка за заштита на животната средина и природни ресурси на Украина.

Влијанието на климата, особено преку уништување на шумите кои природно ги балансираат емисиите на јаглерод, покажува дека последиците од војната „не се само за Украина, туку и за глобалната заедница, рече таа за новинарите.

Гринчук рече дека украинската влада проценила дека војната чинела 71 милијарда долари еколошка штета и довела до еквивалент на околу 180 милиони тони емисии на јаглерод.

Програмата за развој на ОН пред една година ја процени еколошката штета од војната на 56 милијарди долари.

Според најновата проценка на Украина, самите воени активности предизвикаа 51,6 милиони тони емисии на јаглерод од руската инвазија во февруари 2022 година, со уште 56 милиони поврзани со потребите за обновување на инфраструктурата по војната.