Во Турција запленети околу 3,2 милиони таблети Каптагон

Околу 3,2 милиони таблети Каптагон се запленети во јужна Турција на границата со Сирија, соопшти турската полиција.

Сирија важи за главен производител на дрогата Каптагон од групата амфетамини (фенетилин).

Полиција не прецизира дали запленетата дрога била намената за турскиот наркопазар.

Турскиот министер за внатрешни работи Али Јерликаја изјави дека во првите девет месеци од годината во Турција запленети се 9,9 милиони таблети Каптагон. Тој додаде дека во истиот период запленети се и 25 тони метамфетамини.