Аморим по поразот од Нотингем: Ние сме на самиот почеток на нешто многу големо и мора да продолжиме да работиме

Тренерот на Манчестер јунајтед, Рубен Аморим, се осврна на синоќешниот пораз (2:3) од Нотингем Форест во 15. коло на Премиер лигата.

- Беше тежок натпревар. Почнавме многу лошо, рано примивме гол. Потоа ја контролиравме играта и имавме многу шанси. Почнавме да играме подобро во последната третина. Успеавме да го израмниме резултатот и потоа на полувремето бевме подготвени да се бориме за победа, но второто полувреме исто се случи. Примивме два гола. Потоа се обидовме многу, но не многу добро. Немавме многу шанси за гол. Но мораме да го продолжиме она што го започнавме. Тоа е долг пат. Се подобруваме во некои аспекти. Ние сме на самиот почеток на нешто многу големо, не чека многу работа, затоа мора да продолжиме, изјави Аморим.

По доаѓањето на Португалецот на „Олд Трафорд“, Манчестер има две победи, еден нерешен резултат и два пораза.

Во премиерлигашкиот поредок Манчестер јунајтед е на 13. место со 19 бода.