Бајден помилувал 39 лица за ненасилни кривични дела, а им ги намалил казните на 1.500

Американскиот претседател во заминување Џозеф Бајден денеска објави дека помилувал 39 лица осудени за ненасилни злосторства и им ја ублажил казните на речиси 1.500 лица кои отслужуваат долги затворски казни.

Помилувањето и намалените казни дојдоа една недела откако Бајден потпиша безусловно помилување за неговиот син Хантер.

Официјални лица минатата недела рекоа дека Белата куќа ги слуша барањата Бајден да ја изрази истата милост кон илјадници луѓе на кои им е нанесена неправда од правосудниот систем.

Денеска беа најавени помилувања за оние кои беа во домашен притвор за време на пандемијата на Ковид-19. Бајден рече дека овие луѓе би добиле пократки казни доколку биле обвинети според денешните закони, политики и практики.

А новоизбраниот американски претседател Доналд Трамп, кој ја презема функцијата на 20 јануари, најави дека на првиот ден на функцијата ќе ги помилува луѓето кои учествуваа во нападот на Капитол на 6 јануари 2021 година.