Дубоа и Вајлдер можни противници на Усик

За светскиот шампион во тешка категорија, Олександр Усик (23-0, 14 КО) има уште неколку интересни опции во боксот и покрај тоа што тој веќе го докажа својот статус на најдобар боксер, без разлика на дивизијата.

Ова го изјави американскиот промотер Том Лофлер, кој најмногу сака да го види Украинецот во рингот со поранешниот шампион Деонтеј Вајлдер (43-4-1, 42 КО).

-Реваншот со Даниел Дубоа е добра борба. Но, отсекогаш сакав да го видам Усик како се бори со Деонтеј Вајлдер. Борбите на Вајлдер никогаш не се здодевни и секогаш се возбудливи, без разлика дали ќе нокаутира некого или ќе биде нокаутиран. Има некои добри можности за Усик, но реалноста е дека тој веќе направи се што е во негова моќ за да докаже дека е најдобриот борец. Се бори со момци кои се 30-40 килограми потешки од него, ги надигрува, доминира над нив. И ние зборуваме за момци во нивниот врв како Ентони Џошуа, Тајсон Фјури и Даниел Дубоа, додаде Лофлер