Австриската народна партија за нов лидер го избра Кристијан Штокер

Австриската народна партија (ОВП) денеска го избра Кристијан Штокер за лидер, кој доби 98,42 отсто од гласовите на делегатите, јавија австриските медиуми.

Досегашен лидер беше поранешниот канцелар Карл Нехамер, кој беше избран за лидер на партијата во 2022 година.

Нехамер, поднесе оставка во јануари, откако коалициските разговори меѓу ОВП и социјалдемократите не успеаја, а тој ја отфрли соработката со екстремно десничарската Партија на слободата (ФПО) на Херберт Кикл. Во своето обраќање на партиската конференција, Нехамер рече дека Штокер, кој ја презеде улогата на привремен претседател по неговото повлекување како генерален секретар на партијата, е најдобриот избор и човекот на вистинското место кој во вистинско време ќе ја поведе Австрија во иднината.

Претставниците на ОВП, меѓу кои Нехамер и Штокер, во своите говори ја критикуваа политиката на десничарската ФПО, нагласувајќи дека соработката со нив е невозможна. Штокер ја истакна својата визија за Австрија како земја во која достигнувањата, напорната работа и посветеноста се вреднуваат и почитуваат.