Кремљ: И покрај критиките, Путин останува отворен за контакти со Трамп

Портпаролот на Кремљ денеска изјави дека претседателот на Русија, Владимир Путин останува отворен за каков било контакт со американскиот колега Доналд Трамп.

Дмитриј Песков истакна дека за сега не е планиран разговор помеѓу двата лидери.

Трамп во вчерашното интервју за Ен-би-си (НБЦ) изјави дека е „многу изнервиран“ и „бесен“ на Путин и се закани дека ќе воведе нови царини на руската нафта.

- Ако Русија и јас не сме во можност да постигнеме договор за завршување на крвопролевањето во Украина, а верувам дека тоа е руска грешка, ќе воведам секундарни царини на целата нафта кој излегува од Русија, посочи Трамп и најави разговор со Путин следните денови.

Путин неодамна го отфрли предлогот на Трамп за безусловен прекин на огнот во Украина, кој Киев го прифати под притисок на САД.

- Продолжуваме да работиме, првенствено на воспоставување билатерални односи, а работиме и на спроведување на одредени идеи во однос на украинското решение, истакна Песков, додавајќи оти „тоа е долг процес, веројатно поради сложеноста на случајот“.