Халанд може да се врати на терените за Светското клупско првенство

Манчестер сити објави дека напаѓачот Ерлинг Халанд, кој се повреди во неделата на натпреварот (2:1) со Борнмут во четвртфиналето на ФА Купот, би можел да се врати на терените пред крајот на тековната сезона.

Норвежанецот постигна гол во првото полувреме и беше заменет во 61. минута поради повреда. Стадионот го напушти со патерици.

„Граѓаните“ потврдија дека Халанд се здоби со повреда на левиот скочен зглоб. Тој ги направи првичните тестови во клубот и сега ќе оди кај специјалисти за да ја потврдат големината на повредата.

-Проценката на сериозноста продолжува за да се утврди конечната прогноза. Очекуваме Ерлинг да биде подготвен да се врати на терените до крајот на сезоната, вклучително и Светското клупско првенство ова лето, се вели во соопштението на Сити.

Оваа сезона, 24-годишниот Халанд одигра 40 натпревари во сите натпреварувања, постигна 30 гола и направи четири асистенции