Вокер не исклучува враќање во Манчестер сити

Одбранбениот фудбалер Кајл Вокер, кој во зима дојде во Милан на позајмица, изјави дека не смета дека неговата кариера во Манчестер сити е завршена.

-Кога се поздравував со тимот, Пеп ми кажа топли зборови и ми се заблагодари за сè. Но, ова не е финале - само што отидов на позајмица. Треба да бидеме реални: можно е враќање. На крајот на сезоната ќе разговараме за ситуацијата... Ова поглавје сè уште не е затворено. Не можам да кажам ниту еден лош збор за Сити. Клубот направи неверојатни работи за мене, и спортски и лично. Кога заминуваш, сфаќаш колку си бил среќен во таа средина. Не сакам да ги обезвреднувам другите клубови, но овие седум години беа уникатно искуство, изјави Вокер за „ESPN“.

Договорот на Англичанецот со Милан вклучува опција за откуп, но самиот играч очигледно ја остава отворена вратата за враќање во Манчестер.

Оваа сезона Вокер одигра 29 натпревари.