Кинеско МНР: Ако САД сакаат да го решат прашањето за царините преку преговори треба да ги прекинат екстремните притисоци

Портпаролот на кинеското Министерство за надворешни работи, Лин Џијан денеска изјави дека доколку Соединетите Американски Држави сакаат да го решат царинското прашање преку дијалог и преговори, треба да ги прекинат екстремните притисоци, бидејќи, како што наведе, таквите притисоци не делуваат врз Кина.

„Кина многупати го изрази својот став за прашањето на царините: нема победници во царинските и трговските војни. Кина не сака да се бори, но не се плаши од борба. Ако американската страна сака да го реши царинското прашање преку дијалог и преговори, треба да престане со екстремните притисоци, бидејќи таквите притисоци не се применуваат во Кина“, рече портпаролот на кинеското Министерство на редовна прес-конференција.

Тој истакна дека секој дијалог се води врз основа на еднаквост, почит и взаемна корист.