Секогаш кога Заев е во паника, се активира СЈО

Интегрален текст од прес конференција на Драган Данев

Ослободувањето на Зоран Верушевски од притвор и откажувањето од предметот „Пуч“ беше јасен чекор на СЈО во насока на заштита на криминалците кои заговараа граѓанска војна, украински сценарија и крв до колена во Република Македонија.

Народот ги прочита нивните намери и се крева против редефинирањето на државата. Заев е исплашен и знае дека нема да помине реализацијата на платформата од Тирана, преку воведување двојазичност на целата територија, менувањето на банкнотите и плановите за промена на химната, грбот и знамето. Граѓаните нема да му дозволат да ја претвори Македонија од мултиетничка во бинационална држава.

Секогаш кога Заев е во паника, се активира СЈО. Затоа Катица јанева излегува на прес конференции со измислени и фабрикувани случаи. Мислат дека така ќе го покријат срамот што и го нанесуваат на земјата.

Со секоја своја постапка СЈО потврдува дека е алатка која треба да му помогне на аболицираниот криминалец Зоран Заев во разнебитување на државата. Последниот нарачан атак од СЈО претставува и атак врз медиумите кои не се под контрола на СДСМ/Сорос. Порценката на СЈО и СДСМ/Сорос е дека на тој начин ќе ги заплашат и ќе го сокријат пазарењето со државните и национални интереси од страна на Заев.

Нема да ви помине, ниту ќе ви биде заборавено. Веќе сте прочитани. Народот се буди.