Донарума за 150 милиони во Манчестер Сити?

Џанлуиџи Донарума, најталентираниот голман на светот, налето ќе стане најскапиот играч во историјата на фудбалот.

Како што пишува „Скај спортс“, Манчестер сити е подготвен за него да му плати на Милан меѓу 120 и 150 милиони евра.

Донарума има само 18 години, зад себе веќе има две професионални сезони, дебитираше за тимот А на Италија и извесно е дека на голот на „аѕурите“ ќе го наследи легендарниот Џанлуиџи Буфон, па Сити сака да добие голман на подолги патеки.

Пеп Гвардиола од доаѓањето во Сити има проблеми со чуварите на мрежата, прво Џо Харт го замени со Клаудио Браво, а бидејќи ниту Чилеанецот не се снајде најдобро, сега опција број еден е искусниот Аргентинец Вили Кабалјеро.