Претседателски избори во Србија

Претседателските кандидати во Србија денеска ја завршуваат нивната кампања бидејќи на полноќ почнува предизборен молк.

На претседателските избори во Србија, за шеф на државата ќе се борат 11 кандидати, а избирачките места во земјата ќе бидат отворени во недела на 2 април од седум до 20 часот, по локално време.

Во Србија ќе се гласа на 8.523 избирачки места, додека во Косово за претседател на Србија ќе се гласа на 90 места.

Во странство ќе бидат отворени 53 избирачки места во 32 земји.

Српските државјани во Велика Британија, Канада и САД за претседател на Србија ќе гласаат на 1 април.