Мурињо – најлош менаџер на Јунајтед од 1974 година

Жозе Мурињо, менаџерот на Манчестер јунајтед, постави неславен рекорд на „Олд Трафорд“.

„Црвените ѓаволи“ изборија реми против Евертон во последната минута од натпреварот во 31-вото коло на Премиер лигата и со тоа ја продолжија низата без пораз на 20 натпревари.

И покрај тоа, клубот од „Олд Трафорд под водство на Португалецот на 16 натпревари на домашен терен забележа само шест победи, девет ремија и еден пораз, освојувајќи 37,5% од домашните бодови.

Томи Доерти во сезоната 1973/74 на „Олд Трафорд“ освои 35% од бодовите.

Луис ван Хал за двегодишниот мандат, 2014-2016, освои 68% бодови дома, додека Дејвид Мојс во сезоната 2013/14 имаше учинок од 44%.

Најуспешен е легендарниот Алекс Фергусон, кој од 1986 до 2013 година оствари 370 победи на „Олд Трафорд“ од вкупно 517 натпревари, што изнесува 72%.