Општина Новаци промовираше туристичка мобилна апликација
Станува збор за мобилна апликација која содржи мапи на планински патеки, велисипедски и џип рути и историски места во општина Новаци.На веб страната се аплоудирани околу 12 планински рути кои се претходно снимени и 4 планински рути за историски места. Мобилната апликација е изработена по сите интернационални стандарди и е бесплатна за симнување.
Апликацијата е изработена на македонски и на англиски јазик. Има можност за претходно планирање на патувањето со одредување на почетна и завршна точка и навигација во текот на патувањето во реално време. Мобилната апликација можете да ја симнете на следната веб адреса: www.tourdemariovo.info
На оваа мобилна апликација туристите ќе најдат доволно информации поврзани околу алтернативниот туризам на територијата на општина Новаци. Истата е изработена со европски средства во рамките на имплементацијата на проекот „ Жива историја, жива природа 2“ од ИПА програмата за прекугранична соработка Македонија – Грција 2007-2013. Партнер на општина Новаци е грчката општина Алмопиа.
