Повеќе од 50.000 украински бегалци ја напуштија земјата за помалку од 48 часа, изјави високиот комесар за бегалци при ОН, Филипо Гранди, додавајќи дека повеќето отишле во Полска и Молдавија, пренесува Си-Ен-Ен.
На Путин и Лавров им замрзнуваат имот, како дел од огромниот пакет договорен на вонредниот самит на лидерите на ЕУ за одговор на рускиот напад врз Украина.
Дуда го отвори денешниот Самит Б-9 во Варшава, на кој учествуваат претседателите на земјите од источното крило на НАТО и членки на Европската унија – Бугарија, Полска, Романија, Унгарија, Литванија, Летонија, Естонија, Чешка и Словачка.
Украинците, но и странците кои во моментов се наоѓаат во оваа земја, од вчераутро нападната од руската армија, и денеска масовно се обидуваат да ја напуштат. Огромни колони возила ги блокираа речиси сите излези од Киев.
Ердоган пред медиумите во Истанбул на сличен начин испрати критики и до Европската унија поради „неделувањето“ и отстуството од демонстрација на „сериозен, конкретен став“.
Рускиот претседател Владимир Путин денеска го повика воениот персонал на украинските вооружени сили да ја преземат власта во Киев во свои раце.
Советот на Европа денеска ја почна процедурата за суспендирање на членството на Русија во оваа органзиација, изјави полскиот премиер Матеуш Моравјецки.
Високиот претставник на ЕУ за надворешна политика Жозеп Борел денеска директно на Твитер им се обрати на Русите, нагласувајќи дека „Путин не е рускиот народ“.
Украинските вооружени сили соопштија дека и нанеле големи загуби на Русија. Министерството за одбрана соопшти дека 2.800 руски војници се „изгубени“.Не е јасно дали војниците се убиени, ранети или заробени, пренесува германската агенција ДПА.
Путин му рекол на Си дека руската воена операција во Украина е неопходна за заштита на луѓето од „геноцид“, соопшти Кремљ, обвинување што Западот го нарекува неоснована пропаганда.
