САД планираат мерки и се подготвуваат да забранат влез за луѓето имунизирани со вакцини кои не се одобрени од Светската здравствена организација или од Администрацијата за храна и лекови на САД. Една од вакцините што немаат добиено такви сертификати е руската Спутник В.
Ал Каеда се уште е во Авганистан и има за цел да изврши напади на САД, изјави генералот Марк Мили, командант на американските Здружени сили.
Француската екстремно десничарска лидерка Марин Ле Пен денеска предложи терминот „национален приоритет“ да се вклучи во Уставот, да се укине правото на земја за странците да добиваат француско државјанство, и само Французите да добиваат семејни додатоци.
Светската здравствена организација (СЗО) е цел на сериозни обвинувања за сексуално насилство од страна на нејзините вработени врз десетици жени во Демократска Република Конго, а комисијата која го истражува случајот ги осуди „структурните пропусти“ и „индивидуалната негрижа“ на организацијата.
Американскиот секретар за одбрана Лојд Остин денеска во Конгресот рече дека Пентагон бил запрепастен од ненадејното распаѓање на авганистанската војска, признавајќи дека имало погрешни пресметки во најдолгата војна на САД, вклучувајќи корупција и низок морал на авганистанските војници.
Пандемијата на коронавирус ја влоши и онака мрачната економска перспектива за најсиромашните земји во светот и многумина веројатно ќе се борат со пандемиската криза со години, предупредија претставници на Обединетите нации (ОН).
Европската унија побара од германскиот производител на автомобили „Фолксваген“ на сите купувачи на дизел возила на компанијата, не само во Германија, туку и во сите земји на ЕУ, да им плати отштета поради скандалот со емисиите на гас, пренесува Анадолија.
Германската Социјалдемократска партија (СПД), која освои најмногу гласови на неодамнешните парламентарни избори, има приоритет во обидот да формира нова влада, објави денеска Христијанско-социјалната унија (ЦСУ), сестринската партија на конзервативците на Ангела Меркел.
Триесет и тројца од вкупно 39 заробени рудари под земја во рудникот во источна Канада ноќеска успеаја да излезат од окното, а спасувачката операција продолжува, изјави шефот на спасувачките екипи.
Полската Влада денеска побара од претседателот Анджеј Дуда да го потпише указот за продолжување на вонредната состојба на границата со Белорусија за уште 60 дена поради зголемениот бран бегалци.
