Редок вид т.н. леопард жаби неодамна се пронајдени во средишните делови на американската сојузна држава Аризона, надвор од вообичаеното нивно живеалиште.
Москва ги отфрли американските и британските тврдења дека Русија тестирала противсателитско оружје во Вселената, додавајќи оти обвиненијата служат како оправдување на плановите на Вашингтон за распоредување на оружје во орбитата.
Шпанските здравствени власти предупредија дека е можно да се случува вториот бран на Ковид-19, бидејќи Франција, Германија и Белгија пријавија пораст на новозаболени лица.
Советот на ЕУ донесе мерки за враќање на довербата на патниците и работниците со минимизирање на ризикот од инфекција во прекуграничните системи за колективен превоз на патници.
Франција е европската земја чија економска активност реагираше најбрзо по излезот од мерките за изолација, наметнати поради епидемијата со Ковид-19, и тоа благодарение на потрошувачката на домаќинствата, јави дописникот на МИА.
Во Полска во изминатите 24 часа потврдени се 458 новозабоелни лица со Ковид-19, што е најголем дневен пораст за повеќе од еден месец, соопшти Министерството за здравство.
При посетата на аердоромот Роаси, во Париз, францускиот премиер Жан Кастекс најави дека тестовите за коронавирус ќе бидат задолжителни за сите патници кои доаѓаат од ризичните земји, вкупно шеснаесет, јави дописникот на МИА.
Белорускиот опозициски кандидат Валериј Цепкало, кој сакаше да му се спротивстави на актуелниот долгогодишен лидер Александар Лукашенко на претседателските избори следниот месец, избега во Русија со своите двајца синови, плашејќи се дека ќе му бидат одземени, наведе неговиот предизборен штаб.
Тројца уредници и повеќе од 50 новинари од независниот унгарски портал „Индекс“ (Index.hu) дадоа отказ откако беше отпуштен главниот уредник Саболц Дул.
Русија од 1 август продолжува со некои меѓународни летови, изјави руската вицепремиерка Татјана Голикова, но списокот на дестинации ќе биде ограничен на Танзанија, Турција и Велика Британија.
