Не се исцрпени сите можности дијалогот меѓу Русија и НАТО од криза да се врати во конструктивен тек, оцени денеска рускиот министер за надворешни работи Сергеј Лавров.
Едно шестгодишно девојче е една од седумте туристи од Јужна Кореја кои загинаа во судирот на два брода на Дунав во Будимпешта.
На новоизбраниот шпански европратеник Карлес Пуџдемон не му било овозможено да влезе во Европскиот парламент, објавија медиумите во Брисел.
Меѓународната организација за заштита на децата „Спасете ги децата” соопшти дека најмалку 280 милиони деца во светот денес имаат подобри шанси да растат здраво, во безбедна средина и да добијат образование, отколку што било случај во кој било момент во изминатите две децении.
Куба ќе дозволи користење приватни безжични интернет врски (WI-FI) и увоз на опрема за тоа, со што ќе се укине едно од најстрогите ограничувања за употреба на интернет на светот.
Цените на акциите на Волстрит значително паднаа втор ден по ред, што е последица од стравувањата на инвеститорите дека трговскиот судир меѓу САД и Кина ќе предизвика забавување на растот на светската економија.
Британскиот министер за надворешни работи Џереми Хант, кој е еден од кандидатите за наследник на премиерката Тереза Меј, изјави дека повеќе би сакал да го одложи Брегзит после 31 октомври, отколку да спроведе излез од Европската унија без договор и на тој начин да ризикува одржување парламентарни избори.
Претседателката на Претставничкиот дом на Конгресот Нанси Пелоси изјави дека ништо не може да се исклучи, вклучувајќи и потенцијална процедура за импичмент на американскиот претседател Доналд Трамп.
Венецуелскиот лидер на опозицијата, Хуан Гуаидо, нагласи дека ќе продолжи со протести откако разговорите со официјалните претставници на венецуелската влада во Норвешка завршија синоќа без напредок во решавањето на кризата во Венецуела.
Турскиот претседател Реџеп Тајип Ердоган и американскиот претседател Доналд Трамп во телефонски разговор се договорија да се сретнат на маргините на самитот Г20, кој е закажан за 28 и 29 јуни во Јапонија, објави директорот за комуникации на турскиот претседател Фахретин Алтун на Твитер.
