Американскиот претседател Доналд Трамп денеска соопшти дека ќе испрати 1.500 војници на Блискиот Исток, како мерка на претпазливост.
Претседателот на Франција Емануел Макрон вложува голем влог в недела на 26 мај, први избори речиси на половината од неговиот петгодишен мандат, додека неговата партија, Републиката во движење, ризикува да се најде на втората позиција зад Националниот собир (РН) на Марин Ле Пен, јавува дописникот на МИА.
Британскиот пратеник и водечки поддржувач на Брегзит, Борис Џонсон рече дека ќе се бори за функција премиер откако Тереза Меј најави дека ќе поднесе оставка.
Северна Кореја нема да води преговори со САД за денуклеаризација на Корејскиот полуостров, се додека американската страна не го промени пристапот кон градење на односите со Пјонгјанг, вели неименуван официјален претставник од МНР на Северна Кореја.
Најмалку 19 лица загинаа во пожар во трговскиот центар во Индија, соопшти противпожарната служба.
Посетата на американскиот државен секретар Мајк Помпео на Берлин, која беше откажана по кратка постапка, повторно е закажана за 31 мај, изјави денеска портпаролка на германската Влада.
Викторија Скрипал, внука на поранешниот двоен агент Сергеј Скрипал, му ги предала снимките од нејзините неодамнешни телефонски разговори со нејзиниот вујко на Рускиот истражен комитет.
Генералниот директор и основач на банка од Чикаго, Стивен Калк, се обидел да купи функција во администрацијата на Доналд Трамп со тоа што кон крајот на 2016 година одобрил повеќе заеми со висок ризик во вкупна сума од 16 милиони долари на Пол Манафорт, раководител на предизборниот штаб на идниот претседател на САД.
Иранскиот министер за надворешни работи, Мохамад Џавад Зариф, денеска предупреди дека е можна анархија на Блискиот Исток, ако светските сили не се обединат за да ја спречат американската агресија. Тоа Зариф го изјави за време на состанокот со пакистанските официјални претставници во Исламабад.
Германската канцеларка Ангела Меркел „со почит” ја прифати одлуката на британската премиерка Тереза Меј да поднесе оставка, а претседателот на Европската комисија, Жан-Клод Јункер, рече дека е „храбра жена, која многу ја почитува”.
