Турската владејачка партија денеска претстави Нацрт-закон во Парламентот кој ќе го намали периодот на служење на воениот рок од 12 месеци на 6 месеци и остава перманент можноста за плаќање на воената обврска за оние кои можат да си го дозволат тоа, јави Анадолија.
Турист од САД во ресторан на грчкиот остров Миконос платил 836,20 евра за три салати Цезар, шест порции лигни, шест големи локални пива, две води и еден сок од домати, а сметката ја објави на Трипадвајзор со коментар да се избегнува конкретниот ресторан, јави дописничката на МИА од Атина.
Новинарката на францускиот весник „Монд“, Аријан Шеман е повикана да се јави на разговор на 29 мај во Генералниот директорат за внатрешна безбедност на Франција, поради нејзините статии во кои ја откри аферата со надминување на надлежностите од страна на поранешниот шеф за обезбедувањето на францускиот претседател Емануел Макрон, Александар Бенела.
Тереза Меј ќе биде британска премиерка и кога американскиот претседател Доналд Трамп ќе дојде во официјална посета на Британија во почетокот на јуни, изјави министерот за надворешни работи Џереми Хант.
Невладината организација „Спасете ги децата“ ја предупреди меѓународната заедница за можноста за нова хуманитарна криза во Сомалија, каде што повеќе од еден милион деца ќе страдаат од глад поради суша, доколку ништо не се направи.
Пакистанската армија соопшти дека тестирала балистички проектили со голем дострел кои можат да носат нуклеарна боева глава.
Одлуката и актот за одржување избори за Европскиот парламент преку избори со универзално право на глас беа потпишани во Брисел на 20 септември 1976 година.
Воздухопловните сили на САД вратија бомбардер Б-52 од „гробиштата за авиони“ во активната служба. Тој беше предаден на армијата за употреба во 1960 година.
Индиската народна партија (БЈП), на премиерот Нарендра Моди, победи на општите избори, изјави функционерката на партијата и министерка за надворешни работи Сушма Свараџ.
Директорот на рускиот Институт за проблеми околу екологијата и еволуцијата „А.Н. Северцов” при Руската академија на науките, Вјачеслав Рожнов изјави дека бројот на белите мечки во Арктикот е стабилен, па можеби и дека е во пораст.
